ئه‌مڕۆ 2020/10/17 سه‌رۆكی ئینستتیوتی ژیار به‌یاوه‌ری شاندێكی باڵای ده‌سته‌ی كارگێری سه‌ردانی ده‌سته‌ی ته‌كیه‌ی سه‌ربه لقی چه‌مچه‌ماڵی كرد.
به‌مه‌به‌ستی پیرۆزبایی كردنه‌وه‌ی باره‌گای ده‌سته‌ی ته‌كیه به‌ڕێزان: پ. د. خالید موحه‌ممه‌د ساڵح سه‌رۆكی ئینستتیوتی ژیار، و شاندی یاوه‌ری له‌ئه‌ندامانی ده‌سته‌ی كارگێری “پ.ی د. به‌ختیار نه‌جمه‌دین” و “پ.ی د. كامل شارباژێری” و “پ.ی د. عوسمان ئالانی” و هه‌روه‌ها “مامۆستا مه‌لا حه‌مزه خه‌لیفه” و به‌ئاماده‌بوونی به‌رپرسی لقی چه‌مچه‌ماڵ سه‌ردانی ده‌سته‌ی ته‌كیه‌یان كرد و پیرۆزبایی ده‌سته‌ی كارگێڕییان به‌ده‌سته‌ی ته‌كیه گه‌یاند.
له‌لایه‌ن خۆیانه‌وه به‌رپرس و ئه‌ندامانی ده‌سته‌ی ته‌كیه پێشوازیی و به‌خێرهاتنێكی گه‌رمی شانده‌كه‌یان كرد و سوپاسی به‌ده‌مه‌وه‌بوون و هاوكارییه‌كانی ده‌سته‌ی كارگێریان كرد كه یارمه‌تیده‌ربوون له‌كردنه‌وه‌ی باره‌گا بۆ ده‌سته‌كه‌یان له‌ناحیه‌ی ته‌كیه‌دا.
له‌به‌رامبه‌ردا سه‌رۆك و شاندی یاوه‌ری ئاماده‌یی خۆیان ده‌ربڕی بۆ هه‌ر هاوكاری و هه‌ماهه‌نگیه‌ك بۆ پرۆژه‌و چالاكییه‌كانی ده‌سته‌كه له‌ناوچه‌و سنووره‌كه‌دا.
