دكتۆر ئیبراهیم خەلیل لەپەڕاوەكەیدا (بۆچی هاوەڵەكەم موسڵمانبوو؟) سەرگوزەشتەی موسڵمانبوونی هاوەڵەكەی باس دەكات و دەڵێت: پزیشكێكی قیبتی هاوەڵم لەمیسر كە لەدەرەوەی وڵات گەڕایەوە ساڵی 1990 كوڕاسەیەكی پێ بوو كەناونیشانی زیاتر لەدوو هەزار دەزگای زانستی و ئەكادیمی دونیای تیابوو تا كارئاسانی بێت بۆ ئەوانەی كەدیراسات ئەخوێنن و لێكۆڵینەوەیان ئەبێت بتوانن سوودیان لێوەرگرن.
ئەم برادەرەم نامەی نارد بۆ هەموو ئەو دەزگایانە و داوای لێكردن كە بەنیازە پەڕاوێك بنوسێت و تەحەداكەی قورئان بەتاڵ بكاتەوە كەدەڵێت: كەس ناتوانێت هاوشێوەی سورەتێكی قورئان بهێنێت.
بۆ ئەم كارەی چوارجار نامەی ناردەوە بۆیان، واتە نزیكەی هەشت هەزار نامەی نارد، چەند هەزار جونەیهی خەرج كرد بۆ ئەو مەبەستە، هەموو داواكەشی لێیان ئەوەبوو كەتەنها پانزە وشەی عەرەبی وەك سورەتی (قل هو الله) رێكبخەن كەسورەتێكی كورتەو هەوڵبدەن رەوانبێژیەكەی وەك ئەو سورەتە بێت.
لەهەموو ئەوشوێنانەوە تەنها سێ وەڵامی بەدەست گەیشتەوە:
یەكەم: لەكۆلێژی دیراساتی شەرقی و ئەفەریقی لە لەندەن كە وتبوویان (هیوادارین لەوە تێبگەیت كە كۆلیژەكەمان و ئەندامەكانی ناچنە ململانێی ئاینییەوە و ناتوانین وەڵامی داواكەت بدەینەوە).
دووەم: ئیستگەی مۆنتی كارلۆی مەسیحی وەڵامی دایەوەو وتبووی: ئەو باسەی كەناردوتە گرنگە، بەڵام ئیستگەكەمان ناچێتە ئەو جەنگەوە، چونكە وا ئەزانین خزمەت بەپەیامی مەسیح ناكات كە پەیامی خۆشەویستیەو پەیامی تەحەداكردن نیە).
سێیەم: قەشە لیۆ لەڤاتیكانەوە وەڵامی دایەوەو نووسیبووی: (ئێمە وەك مەسیحی هەرچەند سەرسامین بەقورئان كە لەلوتكەی ئەدەبی عەرەبیدایە، بەڵام قبوڵمان نییە كەلامی خوابێت، جا لەلایەنی كرداریەوە ئەوەی داوات كردووە بەربەستێ وا لەرێیدا كە كێ ئەبێتە حەكەم و بڕیار ئەدات لەسەر ئەوەی كە ئەنووسرێت ئایا هاوشانی قورئانە یان نا .. ).
بەهەرحاڵ كەبرادەرەكەم پاش ئەو هەموو هەوڵ و ماندووبوونە هیچی بەهیچ نەكرد وكەسی دەستنەكەوت كە پانزە وشەی عەرەبی بنووسێت و هاوشێوەی بەلاغەت و مانای كورترین سوورەتی قورئانی هەبێت موسڵمانبوو وە هەموو نامەكان و وەڵامەكانی دامێ تا بۆمێژوو بمێنێت كەهەوڵێكی بەرەنگاربوونەوەی تەحەدا ئەبەدیەكەی قورئان شكستی هێنا.
Cage for bird
512بینین
