528بینین
ئه‌مڕۆ شه‌ممه 2020/12/05 ده‌سته‌ی كفری ئینستتیوتی ژیار كۆڕێكی په‌روه‌رده‌یی و خێزانیی بۆ به‌ڕێز دكتۆر شێرزاد عه‌بدولوه‌هاب له‌هۆڵی ژیار سازكرد.
كۆڕه‌كه به‌ناونیشانی “چۆن كێشه خێزانییه‌كانمان چاره‌سه‌ر ده‌كه‌ین؟” به‌ڕێوه‌چوو.
له ووته‌كانیدا دكتۆر شێرزاد عه‌بدولوه‌هاب ئاماژه‌ی به چه‌ندین خاڵی گرنگ كرد كه ده‌بێته هۆكار و ئامراز بۆ چاره‌سه‌ركردنی كێشه خێزانییه‌كان. هه‌روه‌ها باسی له گرنگی ڕۆڵی پۆزه‌تیڤی ئافره‌ت كرد بۆ نه‌هێشتنی كۆسپ و ته‌گه‌ره‌كانی به‌رده‌م به‌خته‌وه‌ری و به‌ختیاری خێزان.
ئامانج له سازكردنی ئه‌م كۆڕه، گه‌ڕانه‌وه‌ی شكۆ و نمونێتی باڵایه بۆ خێزانه‌كان و جه‌ختكردنه‌وه‌یه له‌سه‌ر پره‌نسیپه گرنگه‌كانی خێزان و په‌روه‌رده‌كردنی نه‌وه‌كان و كۆی گشتی كۆمه‌ڵگه له‌سه‌ر بنه‌مای ڕاست و درووست.
