ئینستتیوتى ژیار بەشدارى خێوەتگەیەک لە بوارى گەشەپێداندا دەکات.
شاندێکى ئینستتیوتى ژیار بەشدارى خێوەتگەى دامەزراوەى (رواد)ى کرد کە لقى پارێزگاى دیالەى ڕێکخراوەکە لە ناحیەى تەق تەق سازیکردبوو، شاندەکە پێکهاتبوون لە بەڕێزان: د.موحەممەد سینەمۆکى جێگرى سەرۆکى ئینستتیوتى ژیار و ئەندامانى لقى کۆیەى ئینستتیوتى ژیار: م.مەلا زیرەک مەغدید، چیاکۆ فوئاد، هێمن خەیروڵڵا. شایەنى باسە خێوەتگەکە 3 ڕۆژى خایاند و تێیدا بەڕێز جێگرى سەرۆکى ئینستتیوتى ژیار د.موحەممەد سینەمۆکى بابەتێکى پەروەردەیی پێشکەشکردن و هەروەها بەڕێزان: د.ئەبوو ئەواب، د.عومەر ئەلخەراجیی، د.عیسام ئەلڕەبیعى، شێخ ڕافید هەریەکەو بەجیا بابەتیان پێشکەش بە بەشداربووانى خێوەتگەکە کرد. جێى ئاماژەیە چەندین چالاکى ناوازە و نمونەیی وەکو وتنەوەى شیعر و پەخشان و باسوخواسى بەپێز و ئەنجامدانى وەرزش و چالاکی جۆراوجۆر لە خێوەتگەکەدا بەڕێوەچوو.
