ئه‌گه‌ر ڕه‌نگه‌كان نه‌مان چی ڕووده‌دات؟
ڕه‌نگه‌كان نیعه‌تێكی خوای گه‌وره‌ن و پێویسته سوپاسگوزاری خوای گه‌وره‌ی له‌سه‌ربكه‌ین، ئه‌گه‌ر دنیا به‌دوو ڕه‌نگی ڕه‌ش و سپی ده‌ربكه‌وتایه، ئه‌وا ده‌بووه هۆی دڵه‌ڕاوكێ و ترس و بۆ خه‌ڵك، چونكه ڕه‌نگه‌كان سه‌رچاوه‌ی خۆشی‌و گه‌شبینین. یه‌كێك له ڕێگا به‌كارهێنراوه‌كان له به‌ندیخانه‌كاندا بۆ مه‌به‌ستی كاركردنه سه‌ر به‌ندییه‌كان بۆ داننان به‌تاواندا، ئه‌وه‌یه كه ده‌یانخه‌نه ژوورێكی یه‌ك ڕه‌نگی تۆخ وه‌ك سوور، تووشی جۆرێكی ترسناك له خه‌مۆكیی ده‌بێت ئه‌مه‌ش ناچاریده‌كات بۆ وتنی ڕاستی له پێناوی ڕزگاربوون له‌و حاڵه‌ته. به دڵنیاییه‌وه ئه‌گه‌ر دنیا یه‌ك ڕه‌نگ یان دوو ڕه‌نگ بوایه، ئه‌وا له به‌ندینخانه‌یه‌كی گه‌وره ده‌چوو! كه‌واته سه‌یری ئه‌م نیعمه‌ته گه‌وره‌یه بكه‌ن، كه هه‌ستی پێناكه‌ین تا له‌ده‌ستمان نه‌چێت.
