ئه‌مڕۆ سێشه‌ممه به‌رواری 2020/10/06 شاندێكی ده‌سته‌ی كفری ئینستتیوتی ژیار سه‌ردانی سه‌رۆكایه‌تی شاره‌وانی قه‌زای كفری كرد.
شانده‌كه پێكهاتبوو له: م. سه‌فین عه‌بدولعه‌زیز به‌رپرسی ده‌سته‌ی كفری و م. موحه‌ممه‌د ئه‌حمه‌د به‌رپرسی به‌شی گه‌نجان، له‌لایه‌ن به‌ڕێز: قادر فاتح وه‌یس سه‌رۆكی شاره‌وانی كفری پێشوازی كران.
شایه‌نی باشه له‌سه‌ردانه‌كه‌دا باس له‌كاری هاوبه‌ش و هه‌ماهه‌نگی زیاتر له‌‌نێوان هه‌ردوولا كرا بۆ خزمه‌تكردنی زیاتری شاری كفری له‌چه‌ند ڕوویه‌كه‌وه.
هه‌وره‌ها بڕیار له‌سه‌ر پرۆژه‌یه‌ك درا كه به‌مزوانه جێبه‌جێبكرێت و شاره‌وانی كفری پاڵپشتیی و ئاماده‌یی خۆیان بۆ ئینستتیوتی ژیار ده‌ربڕی بۆ هه‌ر پرۆژه‌و هه‌ماهه‌نگییه‌ك.
له به‌رامبه‌ردا شانده‌كه سوپاس و پێزانینی ئینستتیوتی ژیاریان به سه‌رۆكی شاره‌وانی گه‌یاند له‌پای ئه‌و كارو هه‌ڵمه‌ته جوان و ناوازانه‌ی بۆ سه‌وزكردنی سنووری قه‌زای كفری كراوه و شایانی پێزانینن.
