تاقیكردنه‌وه‌ی پێشبڕكێی (لەبەركردنی چل گوڵ) له‌لقی پشده‌ر ئه‌نجامدرا

لەدرێژەی کارو چالاکییەکانی به‌شی کاروباری خوشکانی لقی پشدەری ئینستتیوتی ژیار، دوای ڕاگەیاندنی پڕۆژەی پێشبڕكێی (لەبەركردنی چل گوڵ) كە بۆ بەرز ڕاگرتنی یادی لەدایکبوونی سەروەری مرۆڤایەتی محمد ﷺ له مانگی مەولوددا، تاقیکردنەوەی پێشبڕكێیه‌كه‌ ئەنجامدرا، به‌ به‌شداری ژماره‌یه‌ك له‌خوشكانی ده‌ڤه‌ره‌كه‌.

جێگای باسە، پڕۆژەکه تایبەت بوو بەخوشکان و بریتی بوو لە لەبەرکردنی چل فەرموودەی پێغەمبەری خۆشەویستمان، کە لەڕۆژی شەممە ٢٠٢٠/١٠/٢٤ ناونوسین دەستیپێكرد و لهڕۆژی شەممە ٢٠٢٠/١١/١٤ کاتژمێر ٢:٠٠ی دوای نیوەڕۆ تاقیکردنەوەکه لەلقی پشدەری ئینستتیوتی ژیار بەسەرکەوتووی ئەنجامدرا.