466بینین
چاره‌سه‌ر به ڕه‌نگه‌كان
له‌كاتێكدا ڕه‌نگ له‌ره‌ی شه‌پۆلی كاروموگناتیسیه ، كه‌واته ده‌توانین به به‌كارهێنانی ڕه‌نگێكی دیاریكراو بۆ هاوسه‌نگكرنه‌وه‌ی له‌ره‌كانی له‌ش به‌كاربهێنین، ئه‌مه‌یه بیرۆكه‌ی چاره‌سه‌ر به ڕه‌نگه‌كان، له‌به‌رئه‌وه‌ی هه‌ر یه‌كێك له ئێمه بوارێكی كاروموگناتیسی هه‌یه له ده‌وری جه‌سته‌ی خۆی بڵاویده‌كاته‌وه، ئه‌م بواره كاریگه‌ر ده‌بێت به ڕه‌نگی جل و ئه‌و ڕه‌نگانه‌ی له ده‌وروبه‌رماندان، بۆیه ده‌بینین كه‌سێك كاتێك له سه‌یران و گه‌شت ده‌بێت له نێوان دارودره‌ختدا هه‌ست به ئارامیی ده‌روونی ده‌كات، به‌هۆی دانه‌وه‌ی له‌ره سه‌وزه‌كان له‌سه‌ر له‌شی.
لێره‌دا ئه‌و ئایه‌ته پیرۆزه‌مان بیرده‌كه‌وێته‌وه، كه باس له گرنگیی خۆشی و شادیی ده‌كات له ژیانی مرۆڤدا له رێگه‌ی ته‌ماشاكردنی سروشتی سه‌وزه‌وه، خوای گه‌وره ده‌فه‌رموێت : (أَمَّنْ خَلَقَ السَّمَاوَاتِ وَالْأَرْضَ وَأَنْزَلَ لَكُمْ مِنَ السَّمَاءِ مَاءً فَأَنْبَتْنَا بِهِ حَدَائِقَ ذَاتَ بَهْجَةٍ مَا كَانَ لَكُمْ أَنْ تُنْبِتُوا شَجَرَهَا أَءلَهٌ مَعَ اللَّهِ بَلْ هُمْ قَوْمٌ يَعْدِلُونَ) [النمل: 60]. واته باخچه‌كان سه‌رچاوه‌ی خۆشی و شادین، ڕه‌نگه سه‌رسام بین ئه‌گه‌ر زانیمان توێژه‌ران له وڵاتانی ڕۆژئاوا نه‌خۆشه‌كانیان( به‌تایبه‌ت نه‌خۆشی خه‌مۆكی) به سه‌یركردنی ڕووه‌ك و سروشتی سه‌وز چاره‌سه‌رده‌كه‌ن.
