ئیمامی عومەر چی نەدەویست؟!!

ئیمامی عومەر نەیدەویست هەرگیز هیچ لەو زانستەی پێغەمبەری خودا ﷺ کە فەرموودەکانیەتی لەدەستی بچێت،

بۆیە وەک لە صحیحی بوخاری هاتووە لەگەڵ دراوسێ ئەنصاریەکەی بەنۆرە یەکیان کاریان دەکرد و ئەوی تریان دەچوو بۆ مەجلیسی فەرموودە و دواتر دەگەڕایەوە ئەوەی بیستبووی بۆئەویتری دەگێڕایەوە.

هاوەڵان لەهەمان کات کارو کاسبی خۆیان دەکرد و هەم خەمی دەستخستنی زاستیشیان وەلا نەنابوو، هەردەم لەبیری ئەوەدابوون هیچ بەشێکی زانستیان لەدەست نەچێت، بەدانانی پلان و کاتێکی تایبەت بۆی..

حەنظەلە ئیمانی نزم دەبوویەوە کاتێک تێکەڵی دونیا دەبوو و لەپێغەمبەر ﷺ و مەجلیسی زانستەکانی دووردەکەوتەوە، بۆیە شەکوای حاڵی خۆی بردە لای و هەستی کرد مونافیقە، بەڵام رەسول ﷺ پێی فەرموو:

(ولكن يا حنظلة ساعة وساعة –

ثلاث مرات) رواه مسلم.

بەڵام ئەی حەنظەلە، سەعاتێک بە سەعاتێک(واتە سەعاتێک بۆ عیبادەت و کارە قیامەتیەکان، سەعاتێکیش بۆ دونیا و پێویستیەکانی ئینسان).

بەڵام بەشی قیامەتەکە بەنرخترین کاتەکان بێت!

شیخ عبداللە عو‌بەید دەفەرمووێ:

ئه‌گــه‌ر به‌نرخترین كاته‌كانی خۆت نەبه‌خشیت له‌پێناو چنگخستنی زانـسته‌ شه‌رعیه‌كاندا، ئه‌وه‌ تۆ پێت ناوترێ (طالب العلم)…