ڕه‌نگه‌كان و چاو
زانایان جه‌ختده‌كه‌نه‌وه، كه ناتوانرێت چاو ته‌قلیدبكرێته‌وه هه‌رچه‌ند هه‌وڵ بده‌ن، چونكه به بوونی ملیۆنان خانه جیاده‌كرێته‌وه، كه هه‌موویان زۆر به ڕێكخراوه‌یی و تۆكمه‌یی كارده‌كه‌ن، ئه‌مه‌ش ناتوانرێت له مه‌ودایه‌كی وه‌ك قه‌باره‌ی چاودا به‌دی بهێنرێت. بۆیه ده‌سته‌وسان و سه‌رسوڕماون به‌رامبه‌ر نیعمه‌ت و ئایه‌تی چاو، بۆیه پێویسته له‌سه‌رمان سوپاسی خوای گه‌وره بكه‌ین له‌سه‌ر ئه‌و نیعمه‌ته گه‌وره‌یه، كه خوای گه‌وره زۆر جار له قورئانی پیرۆزدا بۆی باسكردوین ، خوای گه‌وره ده‌فه‌رموێت: (وَاللَّهُ أَخْرَجَكُمْ مِنْ بُطُونِ أُمَّهَاتِكُمْ لَا تَعْلَمُونَ شَيْئًا وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ لَعَلَّكُمْ تَشْكُرُونَ) [النحل: 78]، (خوا ئێوه‌ی له سكی دایكتان ده‌رهێناوه بێ ئه‌وه‌ی هیچ شتێك بزانن، ئه‌نجا ده‌زگای بیستن و بینین و تێگه‌شتنی بۆ دابینكردوون، بۆ ئه‌وه‌ی سوپاسگوزاری بكه‌ن) هه‌روه‌ها ده‌فه‌رموێت:
(وَهُوَ الَّذِي أَنْشَأَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلًا مَا تَشْكُرُونَ) [المؤمنون: 78]، (هه‌ر ئه‌و زاته‌یه، كه ده‌زگای بیستن و بینین و تێگه‌ستنی بۆ دابینكردوون كه‌چی زۆر كه‌متان سوپاسگوزارن).
