ئینستتیوتی ژیار لقی پشدەر ئێوارە خوانێک ساز دەکات:
ڕۆژی سێ شەممە بەرواری 18-4-2023 کە هاوکاتە لەگەڵ 27-ڕەمەزانی1444 کۆچی، لقی پشدەری ئینستتیوتی ژیار ئێوارە خوانێکی لەڕێی خێرخوازێکەوە بۆ ئەندامان و خۆشەویستان و دڵسۆزانی ژیار لەسنووری پشدەر سازکرد، لەدوای ڕۆژو شکاندن و نان خواردن بە بەرنامەیەکی ڕێکخراو بەرنامەکانی ئەم ئێوارە خوانە دەستی پێکرد، سەرەتا لەلایەن بەڕێز بەرپرسی لقەوە ( مامۆستا خالید خدر)ەوە وتەیەک پێشکەشکراو بەخێرهاتنی میوانەکانی کرد، پاشان بەڕێز ( م.ئەحمەد خدر) بەرپرسی پێشووی لق، وتەی خۆی پێشکەشکرد، پاشان کۆتایی ڕێوڕسمەکە بە پێشکەشکردنی ڕێزو سوپاس بۆ یەکەیەکەی ئەوانەی دڵسۆزی ژیارن لەلایەن چەند مامۆستایەکەوە پێشکەشیان کراو ئەوانیش دەستخۆشی و سوپاسی یەکەیەکەی ئەندامانی ئەنجومەنی لق و بەرپرسی لقیان کرد، بۆ ئەو هەموو پێشوازی و ئامادەکردنی ئەم ئێوارە خوانە، شەیانی باسە ژمارەیەکی زۆر لە برایان ئامادەی ئێوارە خوانەکە بوون، لەکۆتاییدا زۆر بەڕێزەوە بەڕێکران.
