ئینستتیوتی ژیار لقی پشدەر سیمینارێکی لەژێر ناونیشانی (پەروەردەی کەسیەتی منداڵ) بۆ دایکان و باوکان سازکرد.
ڕۆژی
چوارشەممە ١-٩-٢٠٢١ کاتژمێر ٩:٠٠ی سەر لەبەیانی کۆبونەوەی دایکان و
باوکانی خولی هاوینەی (پێگەیاندنی پەپولەکان) بەئامادەبوونی هەریەک
لەبەڕێزان بەرپرسی لق و بەرێوبەری خول و مامۆستایانی خول بەڕێوەچوو.
سەرەتا هەریەك لەبەڕێزان بەڕێوەبەری خول و بەرپرسی لق وتەی خۆیان پێشکەش
کردو دەست خۆشیان لەدایکان و باوکان کرد، وە باسی ئەوەیانکرد کە خولی
پایزەش دەکەنەوە.
هەر لەمیانەی ئەم کۆبونەوەیە، بەڕێز م.(بەختیار أحمد)دەرونناس و ڕاهێنەری
گەشەپێدانی مرۆیی سیمینارێکی لەژێر ناونیشانی (پەروەردەی کەسیەتی منداڵ) بۆ
دایکان و باوکان سازکرد تیایدا بەوردی باسی دەکرد کە چۆن منداڵەکانمان
پەروەردەیەکی تەندروست بکەین.
جێی ئاماژەیە لەلایەن بەرپرسی لقەوە سوپاس نامەیەک پێشکەشی بەڕێز
م.(بەختیار أحمد) کرد .
شایەنی باسە ئەم خولە بە بەشداری ٥٠ فێرخواز لەهەردوو ڕەگەز لە ٢٧ -٦ -٢٠٢١
دەستی پێکردوەو ٦-٩-٢٠٢١ کۆتای پێدێت، حەفتەی دوو ڕۆژ وانە دەخوێنن.
لەکۆتایدا بڕوانامەو خەڵات بەسەر فێرخوازانی خولدا دابەش دەکرێت و یەکەم و
دووەم سێ یەمی سەرجەم قۆناغەکان خەڵاتی تایبەت دەکرێن.
