ئینستتیوتی ژیار لقی پشدەر هه‌ستابه سازدانی خێوەتگەیەک بۆ گەنجان
ڕۆژی دوو شەممە ١٤-٣-٢٠٢٢هەر دوو بەشی گەنجان و بانگخوازانی لقی پشدەری ئینستتیوتی ژیار، هەستان بە سازدانی خێوەتگەیەك بۆ گەنجانی پشدەر، بەناونیشانی(خێوەتگەی هیوا)، سەرەتای خێوەتگەکە بەخوێندنی چەند ئایەتێکی قورئانی پیرۆز دەستی پێکرد، پاشان وتەی بەخێر هاتن لەلایەن بەرپرسی گەنجان و وتەی لقیش لەلایە (م.احمد خدر)ەوە کە بەرپرسی لقی پشدەرە پێشکەشکرا، پاشان بەڕێوە چوونی پێنج سیمینار لەلایەن بەڕێزان (پ.د. خالید محمد صالح، د. بەختیار نجم الدین، م. صلاحدین أحمد، م. أحمد محمد أمین، حاجی إبراهیم) پێشکەش کراو چەند سرودێکی ئاینی و کۆمەڵێك پێشبڕکێ و چالاکی تری جۆراو جۆرو دابەشکردنی چەند ڕێزو سوپاسنامەیەک لەلایەن بەرپرسی لقەوە بۆ چەند بەڕێزێک، شایانی باسە خێوەتگەکە لە کاتژمێر ٩:٠٠ی بەیانیەوە تا ٥:٠٠ ی ئێوارێ بەردەوام بوو، وە ژمارەیەکی بەشداربوان بریتی بوو لە (٥٠) گەنج، لەکۆتایدا ئەو گەنجانە وێڕای دەست خۆشیان بۆ لقی پشدەر هیوایان خواست ئەو جۆرە چالاکیانە بەردەوامیان هەبێت بۆ خزمەتی دەڤەرەکە.
محمداحمد ممند.
بەرپرسی ڕاگەیاندنی پشدەر.
