لقی سەیدسادقی ژیار کۆبوونەوەیەکی لەگەڵ دایبابانی فێرخوازاندا ئەنجامدا
سێ شەممە (٢٠٢٤/٨/٦) لقی سەیدسادقی ژیار کۆبوونەوەیەکی لەگەڵ دایبابانی فێرخوازانی خولە پەروەردەییەکاندا ئەنجامدا. سەرەتای کۆبوونەوەکە بە چەند ئایەتێک لە قورئانی پیرۆز دەستیپێکرد لەلایەن فێرخواز (سان صابر)ەوە و دواتر وتەیەک پێشکەشکرا لەلایەن بەرپرسی لقی سەیدسادقی ژیار بەڕێز (م. خەلیل حەسەن)ەوە و پاشان سرودێک پێشکەشکرا لەلایەن فێرخواز (هێمن فازیل)ەوە و دواتر بابەتێک پێشکەشکرا لەلایەن ڕاهێنەری پەروەردەیی بەڕێز (م.تریفە جەلال)ەوە بە ناونیشانی (ڕۆڵی خێزان لە پەروەردەکردنی منداڵدا).
شایانی باسە ژمارەیەکی بەرچاوی دایبابان بەشداربوون و دڵخۆشبوون بە خولە پەروەردەییەکان و کار و چالاکییەکان.
