لقی گەرمیانی ژیار سوپاسى هاوکارانی پڕۆژەی خێزانسازیی دەکات.

  • Muhamad_Sardar.Ka
  • 2024-07-29 01:33:01

لقی گەرمیانی  ژیار سوپاسى هاوکارانی پڕۆژەی خێزانسازیی دەکات..

رۆژی سێ شەممە بەرواری ٢٠٢٤/٤/٢ شاندێکی لقی گەرمیانی ژیار کە پێکهاتبوون لە بەڕێزان: م. لوقمان میروەیسی بەرپرسی لق و م. محەممەد لوقمان بەرپرسی بەشی پەیوەندییەکان سەردانی شاری پزیشکی خزمەتیان کرد و لە لایەن: دکتۆر ئاکۆ ئیبراهیم بەڕێوەبەری نەخۆشخانەکەو دکتۆرە پەیمان ئەحمەد پسپۆری تیشک و سۆنار، دکتۆرە پەرژین جەلال پسپۆری نەخۆشییەکانی ئافرەتان و منداڵبوون پێشوازیان لێ کرا، مەبەست لە سەردانەکە گەیاندنی سوپاسبێژی و پێزانینی لقی گەرمیانی ژیار بوو بەبەڕێزیان لەپای هاوکاریان بە پڕۆژەی خێزانسازی کە بڕیاریان داوە بۆ جاری دووەم تا ماوەی یەک ساڵ بەبێ بەرامبەر چارە بۆ بەشداربووانی پڕۆژەکە بکەن و هاوکاریان بن، لە بەرامبەردا بەڕێزیان پەیمانی بەردەوامی هاوکارییەکانیان بە لقی گەرمیانی ژیاردا، جێى باسە پڕۆژەی خێزانسازی خۆی لە خولێکی پەروەردەی دەبینیەوە کە لقی گەرمیانی ژیار بۆ بووک و زاواکانی ساڵی ۲۰۲٤ کردبوویەوە.

ڕاگەیاندنی لقی گەرمیانی ژیار

#ژیار #zhyar