ئينستتیوتی ژیار لقی هه‌ولێر پێشانگای (نا بۆ جگەرە و نێرگەلە كێشان ) لە لقی هەولێر بەڕێوەچو
پێشانگای (نا بۆ جگەرە و نێرگەلە كێشان ) لە لقی هەولێر بەڕێوەچو
ڕۆژی (١٨/٣/٢٠٢٢) بەشی بانگەوازی لقی هەولێری ئینستتیوتی ژیار هەستا بە ئەنجامدانی چاڵاكییەكی ناوازە كە بریتی بوو لە پێشانگایەك بە ناونیشانی ( نا بۆ جگەرە و نێرگەلە كێشان) لە كاتژمێر 4 بۆ 6 ئێوارە لە هۆڵی لقی هەولێری ئینستتیوتی ژیار.
سەرەتای پێشانگاكە بە قوڕئان خوێندن بوو
دواتر برپرسی لق (د.سلێمان ئاكرەیی) وتەی بەخێرهاتنی پێشكەش كرد و دواتر گرتە ڤیدیۆیەك پێشكەشی ئامادەبوان كرا لەسەر جگەرە كێشان.
دوای ئەوەش چەند وتارێك پێشكەشكران بەم ناونیشانانە:
١/ هۆكارەكانی جگەرەكێشان ، لەلایەن م. حسن مولود پێشكەشكرا.
٢/ زیانەكانی جگەرەكێشان لەلایەن م. شۆڕش خالد پێشكەشكرا.
٣/ حوكمی جگەرەكێشان لەلایەن م. كارۆخ أحمد پێشكەشكرا.
٤/ چارەسەری جگەرەكێشان لەلایەن م. نیشتیمان حسین پێشكەشكرا.
٥/ دیاردەی جگەرەكێشان لەلایەن م. نادیە عبدالله پێشكەشكرا.
٦/ چیرۆكی تەوبەكارێك لە جگەرەكێشان لەلایەن م. شاكر محمد پێشكەشكرا.
وه سرودێك لەلایەن هونەرمەند ( سلیم عمر ) پێشكەشكرا.
پێشانگاكە بە مێوانداری جێگری سەرۆكی ئینستتیوتی ژیار ( د. شێرزاد عبدالوهاب ) بەڕێوەچوو.
شایەنی باسە زیاتر لە ( ١٥٠ ) نامە لەگەڵ سیواك لەناو زەرف ئامادەكرابوو لە پێشانگاكە و ئاڕاستەی جگەرەكێشەكان كرا.
وه كۆمەڵێك وێنەی سەرنجڕاكێش و واتادار لەسەر زیانەكانی جگەرە و نێرگەلە كێشان نیشانی ئامادەبوان درا.